نوپۇسى: خىتاي ئىشغالىيەتچى دائىرىلىرى 2015 – يىلىغا قەدەر شەرقىي تۈركىستاندىكى تۈركىي قەۋملەرنىڭ نوپۇسىنىڭ 13 مېلىيون 500 مىڭ ئىكەنلىكىنى ئوتتۇرىغا قويدى. ئەمما، باشقا مەنبەلەردە مۆلچەرلىنىشىچە شەرقىي تۈركىستاندىكى ئومۇمىي تۈرك نوپۇسى 35 مېلىيوندىن 40 مېلىيونغىچە بولۇپ، بۇنىڭ ئىچىدە، ئۇيغۇرلارنىڭ نوپۇسى  30 مېلىيون ۋە باشقا قازاق، قىرغىز، موڭغۇل، سالار، تاجىك، تاتار – ۋە ئۆزبېكلەر 5 مېلىيون ئەتراپىدا دەپ مۆلچەرلەنمەكتە. شەرقىي تۈركىستاندىكى خىتاي ئىشغالىيەتچىلىرى تەرىپىدىن يەرلەشتۈرۈلگەن خىتاي نوپۇسى 12 مېلىيون ئەتراپىدا.

مۇھاجىرەتتىكى شەرقىي تۈركىستانلىقلار نوپۇسى: مۇھاجىرەتتىكى شەرقىي تۈركىستانلىقلارنىڭ نوپۇسى بىر مېلىيون ئەتراپىدا بولۇپ، بۇلارنىڭ كۆپچىللىكى قازاقىستان، قىرغىزىستان ۋە ئۆزبىكىستاندىن ئىبارەت ئوتتۇرا ئاسىيا تۈرك جۇمھۇرىيەتلىرىدە ياشايدۇ. بۇنىڭدىن باشقا، تۈركىيە، سەئۇدى ئەرەبىستان، ياۋوپا، شىمالىي ئامېرىكا ۋە ئاۋسترالىيەلەردە مۇھىم دېئاسپورا جەمئىيەتلىرى بار.

مۇھىم دەريا – ئېقىنلار:  تارىم دەرياسى، ئېرتىش دەرياسى، ئىلى دەرياسى، ئۇلۇنغۇر دەرياسى، قاراقاش دەرياسى، ياركەنت ( زەرەپشان ) دەرياسى ۋە ماناس دەرياسى قاتارلىقلار.

ئىقتىسادى: زىرائەت، باقمىچىلىق، يېنىڭ سانائەت ۋە تىجارەتكە تايىنىدۇ.

تەبىئىي بايلىقى: يەر بايلىقى، بىئولوگىيىلىك بايلىق ، نېفىت ، تەبىئىي گاز ، ئالتۇن ، كۈمۈش ، كۆمۈر ، ئۇران ، مىس ، نىكېل ، قوغۇشۇن ، سىنىك ، ئاسبېستوس ، سىلۋىت ، ھاك تېشى ، گۆھەر ۋە قاشتېشى قاتارلىقلار.